Abot-tanaw na ba ang katapusan ng simula ng pangakong
babaguhin o gagaguhin, bagaman magka-singtunog, huwag
kang lumingon sa iba, ibang pangako ang maririnig
o mapipinid sa loob ng silid na may mga huntahan at
katuwaan habang hinahati-hati ang inaakalang yaman
na kikitain dahil sa paniwalang walang papansin
o susuri ng masinsin sa mga salaping tinapal sa palad
ng nagdadahop sa pag-asa. Malayo pa nga ba ang
kasapatusan o pagod na lang ang paa sa pagkalito
kung saan nga ba hahabol, masakit ang mga batong
tumusok sa talampakang mapagtiis? Para nga namang timpalak.
Bago pa magsimula, may magsasabi na,
"Hindi na ako tatakbo."
No comments:
Post a Comment