Sa TV newscast, ang weather ng lungsod
ay mababa pa sa zero degrees Celsius.
Wala namang ulat tungkol sa
malamig na ulang tumakip ng niebe.
Madaling magpatulog, ganitong kalamig na paligid,
kung hindi magpapainit gamit ang mga aklat at kumot.
Sa ibabaw ng mesa ang tula ay nangatal sa ginaw.
Inakay ko ito kung saan
Nguni't wala itong pang-ginaw para sana
mabata ang lamig ng hangin at ulan.
Nanigas na lamang sa lamig ang mga salita,
naghihiwalay na tuloy ang mga titik,
Hanggang naisuko ang espiritu niya
samantalang ang kape at melatonin ay
Tinapos ang lahat habang iniwang
bukas ang TV nang magdamag.
No comments:
Post a Comment