Walang pag-ibig sa ilang ng digmaan.
Huwag magtanong, bakit ikaw ang papaslangin?
Tuliro lamang sila sa pagapuhap ng sagot.
Walang bituwin ngayon para gumabay,
Nguni't bawa't isa'y nahanap ang kapayapaan
sa ingay ng halakhak ng kaaway.
Hindi ka ngingiti sa salitang ito,
pumatay. Isang bala ang pumunit sa ala-ala
ng Paskong dumaan. Tapos na ang caroling.
Hinigop muli ang mga kawal palayo
sa kapayapaan, at sa mga pag-awit
at mga pagbati ng kapaskuhan.
Ito na ba ang wakas? Sa isang bangkay
ng kaaway, nasabi ng isa, nabati ko siya
kahapon ng 'Maligayang Pasko'.
No comments:
Post a Comment